ជីវិតអ្នកលេងភ្លេងបុរាណ ជាអាជីពមួយដែលទទួលបានការគាំទ្រ នៅក្នុងយុគសម័យឌីជីថលនេះ។ ថ្វីត្បិតថា តន្រ្តីសម័យថ្មី អភិវឌ្ឍន៍ខ្លាំង​ដើម្បីប្រជែងជាមួយប្រទេសជិតខាង ប៉ុន្តែមហាជនក៏មិនភ្លេចនោះដែរ នូវសិល្បៈបុរាណ តួយ៉ាងដូចជាវង់ភ្លេងបុរាណជាដើម។

ជាការពិតណាស់ អ្នកលេងភ្លេងបុរាណ តែងតែលេចមុខនៅក្នុងកម្មវិធីនានា ដូចជារៀបការ​ និង បុណ្យទានជាដើម។ ពួកគេច្រើនតែលេងជាក្រុមដើម្បីប្រគុំកំដរកម្មវិធី និង កំដររោង។ ចំពោះប្រាក់កម្រៃវិញ មិនជាទទួលបានច្រើនប៉ុន្មាននោះទេ។ បើទោះជាបែបនេះក្តី ពួកគេទាំងនោះហាក់មិនបោះបង់ចោលនូវអាជីពមួយនេះ ដោយសារតែក្តីស្រឡាញ់ដែលមានចំពោះសិល្បៈវប្បធម៌បុរាណ ហើយក៏ដូចជាចូលរួមអភិរក្សនូវទម្រង់សិល្បៈបុរាណផងដែរ។

ក្នុងនាមជាកូនខ្មែរជំនាន់ក្រោយ យើងមានកាតព្វកិច្ចចូលរួមថែរក្សាសម្បត្តិដែលដូនតា បានបន្សល់ឱ្យ មានន័យធំធេងមិនអាចកាត់ថ្លៃបាន៕

អត្ថបទ៖ សីហរិទ្ធិ